Грыбныя партызаны. Як у Івацэвіцкім раёне паставіліся да забароны хадзіць у лес на час вучэнняў

14:25 13 сентября 2017
ОБСУДИТЬ
Вёска Волька Івацэвіцкага раёну — каля самага Даманаўскага палігону, дзе будуць адбывацца сумесныя беларуска-расійскія вучэнні «Захад-2017». Вяскоўцы па-рознаму ставяцца да забароны хадзіць у лясы падчас манеўраў.

Лес цягнецца ад вёскі і да самага палігону. Сяляне кажуць, што цяпер шмат грыбоў — проста ідзі ўздоўж дарогі ды збірай. Аднак Івацэвіцкі райвыканкам апублікаваў зварот пра непажаданасць наведваць лясы ў час вучэнняў.

У размове з карэспандэнтамі Свабоды большасць людзей кажуць, што не чулі ні пра якія абмежаванні і забароны. Зрэшты, як сказаў адзін са сталых жыхароў вёскі, усе і так ведаюць, што нельга хадзіць у бок палігону, калі вучэнні.

«Ага, у лес я не пайду! Я сёння быў там… Вось побач лес, і там лес. Чаму я не павінен туды хадзіць?», — паказвае суразмоўца ў супрацьлеглы ад палігону бок.

Суразмоўца кажа, што аднойчы, вельмі даўно, было здарэнне на палігоне ў часе манеўраў:

«На палігон ніхто і ня пойдзе. Аднойчы было, што мужык сабраўся касіць сена, то як дало, нагу адарвала яму… Дык пасля таго праз кусты ўжо ніхто не ішоў».

Некаторыя жыхары Волькі кажуць, што ўсё роўна будуць хадзіць у лес, бо час грыбны сыходзіць. Проста будуць мінаць палігон:

«Усё жыццё я тут пражыў, хадзілі ў грыбы на палігон. Калі ідуць вучэнні, калі ласка, я сам працаваў на палігоне, таму калі вучэнні ідуць, то пытанняў няма — нельга хадзіць», — кажа малады чалавек.

Спадар сярэдняга веку кажа, што чыноўнікі забараняюць ісці ў лес не столькі каб папярэдзіць розныя здарэнні, а каб ім не перапала за непраяўленую пільнасць:

«Ды страхуюцца, каб не падстрэлілі нікога, таму і забараняюць. Цяпер жа грыбоў навалам — усе ідуць і ідуць…»

Сумесныя расійска-беларускія вучэнні «Захад-2017» пачнуцца 14 верасня і працягнуцца тыдзень. Будзе задзейнічаны шэраг вайсковых палігонаў на тэрыторыі Беларусі — пад Лепелем, Барысавам, Віцебскам, Асіповічамі, Ружанамі і Даманавам. Таксама паведамляецца, што запланаваныя рэйды каля Дрэтуні.

Радыё Свабода

КОММЕНТАРИИ ( 0)

ОБСУДИТЬ

ЧИТАТЬ ЕЩЕ СТАТЬИ

19 декабря 2017 14:05

В Ивацевичах демонтировали ограждение пандуса у торгового центра

Как сообщили в прокуратуре Брестской области, такие меры были приняты по требованию прокуратуры в целях социальной защиты прав людей с ограниченными возможностями.

12 декабря 2017 22:04

«Трэба Лукашэнку сказаць, каб загнаў нас у хлеў ды запаліў»: жыхары вёскі Гічыцы абураныя закрыццём крамы

У розных рэгіёнах Беларусі закрываюцца вясковыя крамы. Спажывецкае таварыства тлумачыць людзям, што ў малых паселішчах краму ўтрымліваць нявыгадна. У некаторых вёсках людзі пратэстуюць, пасля чаго ўлады вымушаныя крамы адкрываць.

12 декабря 2017 08:25

Митинг в память Коли Гойшика состоится в Ивацевичах в честь 100-летия комсомола

12 декабря 2017 года в Брестской области стартует молодежный патриотический проект "Марафон мужества", посвященный 100-летию комсомола. Первый этап Марафона пройдет по территории Ивацевичского района.

05 декабря 2017 11:46

Наводят порядок на фермах в Ивацевичском районе, где коровы стояли по колено в грязи. Видео

После широкого распространения в интернете видео, на котором коровы стоят в грязи в деревнях Житлин, Власовцы и Воля Ивацевичского района, эти фермы посетило районное начальство и там началось наведение порядка.