• Доллар 2.0495
  • Евро 2.2602
  • Рос. рубль 3.2073

Нужна реклама в регионе?                         Подать заявку  

Зімовыя фоты Косаўскага і Ружанскага палацаў. Дзе б пасяліліся вы, каб былі магнатамі?

21:31 23 января 2018
Косава і Ружаны - каштоўныя населеныя пункты на турыстычных маршрутах як беларусаў, так і замежнікаў. Велічныя палацы ў гэтых месцах былі ў заняпадзе, але цяпер паволі рэстаўруюцца. Ужо зараз і ў Косаўскім, і ў Ружанскім палацы адкрытыя музеі, якія раскажуць пра гісторыю гэтых архітэктурных помнікаў.

Канешне, параўноўваць гэтыя палацы не варта, кожны з іх мае сваю цікавую гісторыю. Ружанскі – старэйшы, яго будавалі магнаты Сапегі ў XVII-XVIII стагоддзях. Косаўскі палац збудаваны ў сярэдзіне ХІХ стагоддзя багатым родам Пуслоўскіх.

Тым не меней, прапануем зімовыя фота Косаўскага і Ружанскага палацаў. Уявіце, каб вы былі багатым магнатам, а палацы былі ўжо цалкам адрэстаўраваныя, дзе б пасяліліся вы?

SkodaSkoda

Косаўскі палац Пуслоўскіх

У ХІХ стагоддзі Пуслоўскія былі багатымі прамыслоўцамі, якія ўкаранялі новыя заходнія тэхналогіі на нашых землях. Існуе версія, што свой палац каля Косава яны вырашылі будаваць яшчэ і з-за таго, што тут месцілася сядзіба Тадэвуша Касцюшкі, кіраўніка антырасійскага паўстання 1794 года.

Будавалі палац Казімір і яго сын Вандалін Пуслоўскія. Над палацам працавалі вядомыя польскія архітэктары Францішак Яшчалд і Уладзіслаў Марконі.

Аднак, не ўсе Пуслоўскія былі багатымі і таленавітымі прамыслоўцамі. Некаму ж трэба было траціць накопленыя багацці! І вось, ужо трэці гаспадар палаца, Леанард Пуслоўскі, прадаў яго расійскаму купцу Аляксандраву за 700 тысяч рублёў, каб пагасіць свае даўгі, набытыя ў забавах ды карцёжных гульнях (разумееце, інтэрнэту тады ж не было, заставалася толькі ў карты гуляць на грошы).

А купец Аляксандраў на тое і быў купцом – ён перапрадаў Косаўскі палац княжне Трубяцкой па двайной цане!

Пасля ўладальнікамі палацу былі княгіня Абамалек, князь Альдэнбургскі… Пайшоў “па руках”, карацей.

SkodaSkoda

У часы Першай сусветнай вайны палац разрабавалі і часткова разбурылі. У часы польскай улады у 1921-1939 гады палац рамантавалі, тут была мясцовая адміністрацыя, вучылішча садаводства. Пры савецкай уладзе ў 1939-1941 гадах тут былі часці Чырвонай Арміі.

Падчас Другой сусветнай вайны палац быў спалены, па адной з версій, партызанамі ў 1944 годзе.

Увесь савецкі час палац не рамантаваўся, зарастаў соснамі ды пакрысе разбураўся. Але ў 2008 годзе тут пачалі працаваць рэстаўратары, і палац Пуслоўскіх пакрысе аднаўляецца.

10 лістапада 2017 года ў палацы адкрыліся першыя музейныя залі.

Ружанскі палац Сапегаў

Ружанскі палац часам у прэсе называюць нашым “Версалем”, бо нагадвае рэзыдэнцыю французскіх каралёў.

І сапраўды, Сапегі, якія ўладарылі Ружанскім палацам, па свайму ўплыву, багаццю і магутнасці былі аднымі з найбольш значных магнатаў Вялікага княства Літоўскага і Рэчы Паспалітай, а ў палацы ў Ружанах у некаторы час нават захоўвалася дзяржаўная казна.

У палацы Сапегаў гасцявалі не толькі багацейшыя людзі княства, але і каралі, тут былі шыкоўныя калекцыі карцін, тэатр, манеж, карацей, усе элітныя тагачасныя забавы.

Яшчэ ў сярэднявеччы тут быў палац, які насіў абарончы характар, аднак, у другой палове XVIII стагоддзя ён быў перабудаваны саксонскім архітэктарам Янам Самуэлем Бэкерам і набыў цяперашні выгляд.

Цікава, што пад асноўным корпусам палаца, які зараз пакуль не адрэстаўраваны, знаходзіцца чатыры падземныя паверхі, дзе стагоддзі таму захоўваўся правіянт, казна, розныя прыпасы.

У часы Расійскай імперыі палац быў аддадзены пад суконную фабрыку, ён прыходзіў у заняпад. У 1914 годзе тут здарыўся пажар.

У часы польскай улады палац у Ружанах спрабавалі рэстаўраваць, але не далі рады. Канчаткова ў заняпад ён прыйшоў у часы Другой сусветнай вайны і савецкай улады.

З 2008 году тут пачалася паступовая рэстаўрацыя, цяпер у будынках брамы палацу Сапегаў месціцца музей.

 

ЧИТАТЬ ЕЩЕ СТАТЬИ

27 сентября 2019 16:44

Правда, что из Коссовского дворца есть подземный ход в Ружаны?

Говорят, от Коссовского дворца до Ружанского замка существует подземный ход, по которому могли проехать тройка лошадей и карета. Десятки лет эта красивая легенда интригует любознательных туристов и придает чувство гордости местным жителям.

01 августа 2019 11:06

В Ивацевичском районе подняли из болота самолет времен войны и останки летчика

В Ивацевичском районе поисковики подняли на поверхность фрагменты советского бомбардировщика и останки летчика, сообщил руководитель историко-патриотическо-технического отряда "Авиапоиск-Брест" Владимир Бухта.

09 июля 2019 11:25

В Гута-Михалине Ивацевичского района почтили память партизан

6 июля 2019 г. в урочище Гута-Михалин Квасевичского сельсовета состоялся митинг-реквием, посвященный 75-летию освобождения Ивацевичского района от немецко-фашистских захватчиков.

24 июня 2019 10:14

В Ивацевичском районе перезахоронили летчика, погибшего во время войны

В горпоселке Телеханы Ивацевичского района с воинскими почестями перезахоронили останки погибшего в первые дни Великой Отечественной войны летчика. Стрелок-радист бомбардировщика Ил-4 Карп Платонович Вовк, уроженец Полтавской области Украины, обрел последний приют в братской могиле советских воинов и партизан, погибших в годы войны.