• Доллар 2.5658
  • Евро 3.0414
  • Рос. рубль 3.4205

“Ён служыў свайму краю, свайму народу”: у Заполлі развіталіся з краязнаўцам Алесем Зайкам

22:04 28 июня 2018
Дзесяткі людзей з'ехаліся ў Заполле Івацэвіцкага раёну, каб правесці ў апошні шлях выбітнага краязнаўцу, літаратара Алеся Зайку. Сярод прысутных былі вядомыя беларускія пісьменнікі, прадстаўнікі ўлады, ды многія сваякі і сябры спачылага на 70 годзе жыцця Алеся Зайкі.

Пахавалі нашага збіральніка духоўнай спадчыны на могілках у Бялавічах.

Алесь Разанаў, беларускі пісьменнік і перакладчык, сябра Алеся Зайкі з студэнцкіх гадоў, у сваёй прамове падкрэсліў значнасць яго працы для духоўнай спадчыны народу:

“Азіраюся на гэты шлях Алеся Зайкі – гэта быў шлях служэння. Ён служыў свайму краю, свайму народу, ён з усімі быў зрошчаны і зроднены. І з гэтым краем, які ён акрэсліваў найменнем Косаўшчына – найболей. Выдаў стос кніг, і засталіся тыя, якія выйдуць неўзабаве. Дзеля гэтай справы ён жыў і служыў. Калі гавораць пра скарбы, якія людзі збіраюць у сваім жыцці, то гэтым скарбам зайздросцяць, іх рабуюць, а ён збіраў нябесны скарб,” – кажа Алесь Разанаў.

Алесь Разанаў

Яшчэ адзін сябра Алеся Зайкі, паэт-пчаляр, заснавальнік мядовай літаратурнай прэміі Мікола Папека сказаў:

“Перад намі чалавек, які быў у захапленні ад свайго роднага краю, ад роднага слова. І гэта мы бачым у яго слоўніках, у яго творах, як тая кніга, што павінна выйсці неўзабаве – “Мікратапаніміка Івацэвіччыны”. Калі я пабачыў яго кнігу “Дым з коміна”, я адзначыў яе сваёй прэміяй, таму што гэта нельга было не адзначыць. На пахаванні Алеся Каско Алесь Зайка сказаў, што мы – гэта насенне. І тое, што зрабіў Алесь Зайка ў сваіх слоўніках, кніжках – гэта тое насенне, якое мае быць высеена і ўзыйсці для таго, каб мы перамаглі апалячванне і русіфікацыю ў нашай мове”.

Мікола Папека

Цёплыя словы пра свайго сябра сказаў і івацэвіцкі пісменнік і журналіст Валер Гапееў, які шмат дапамагаў Аляксандру Фамічу Зайку ў рэдагаванні і выданні яго кніг. Валер Гапееў прыгадаў, што Алесь Зайка спрачыніўся да надання некаторым вуліцам Івацэвічаў імёнаў нацыянальных беларускіх дзячоў.

“Перакананы, што будзе ў нас і вуліца імя Алеся Зайкі,” – сказаў Валер Гапееў.

Валер Гапееў

Алесь Фаміч Зайка адыйшоў 26 чэрвеня, ён выбітны збіральнік народнага фальклору, моўных асаблівасцей нашага рэгіёну. На развітанні з ім беларускія пісменнікі  выказалі, што Алесь Зайка быў сапраўдным навукова-даследчым інстытутам у адной асобе.

Чытайце:
Памёр Алесь Зайка, краязнавец з Заполля Івацэвіцкага раёну, які навучыў правільна казаць «Марачоўшчына»

 

ЧИТАТЬ ЕЩЕ СТАТЬИ

16 сентября 2020 18:06

Установлена личность женщины, погибшей в ДТП возле Ивацевичей

По предварительной информации ГАИ, Дорожная авария произошла 14 сентября около половины второго ночи на автодороге М-1 «Минск-Брест-граница-граница РФ».

11 сентября 2020 11:12

Во время пожара в подвале в Ивацевичском районе обнаружили тело мужчины

В ночь на 11 сентября в МЧС поступило сообщение о пожаре в подвале трехэтажного жилого дома по улице 17 Сентября в городском поселке Телеханы Ивацевичского района.

03 июня 2020 13:48

Автопоезд возле фермы насмерть сбил пенсионерку в Ивацевичском районе

Согласно материалам уголовного дела, 69-летний житель района днем 2 июня, управляя автопоездом, осуществлял маневр разворота на территории молочно-товарной фермы.

01 марта 2020 21:03

О чем пишет стихи простой ивацевичский грузчик

Александ Бахур из Ивацевичей, скажем так, необычный поэт. Стереотипное мышление подразумевает, что поэт - это человек, который много учился, этакий интеллектуал. Но наш собеседник - простой грузчик в пекарне. Тем не менее, это не мешает ему излагать в стихах красоту, которую он видит.